काठमाडौँ, २४ चैत । महामारीको नयाँ केन्द्र बनिरहेको अमेरिकामा कोरोना भाइरस (कोभिड १९)का कारण पछिल्लो केही दिनयता लगातार १ हजारभन्दा बढीको मृत्यु भइरहेको छ ।
आइतबार अमेरिकामा कोरोना भाइरसका कारण १ हजार १६५ जनाको ज्यान गएको छ । यससँगै कुल मृतक संख्या ९ हजार ६१६ पुगेको वल्र्डोमिटर्सले जनाएको छ ।
यो समाचार तयार पार्दासम्म अमेरिकामा कुल संक्रमित संख्या ३ लाख ३६ हजार ६७३ पुगेको छ । जसमा २५ हजार ३१६ नयाँ संक्रमित आइतबार मात्र देखा परेका हुन् । १७ हजार ९७७ जना भने पूर्ण रूपमा निकाे भइसकेका छन् ।
शनिबार एकै दिनमा अहिलेसम्मकै सर्वाधिक नयाँ संक्रमित ३४ हजार १९६ देखा परेका थिए । शनिबार एक दिनमा काेराेनाका कारण मृत्यु हुनेको संख्या १ हजार ३३० थियो ।
शुक्रबार पनि अमेरिकामा काेराेनाका कारण एकै दिन १ हजार ३२० जनाले कोरोनाका कारण ज्यान गुमाएका थिए । त्यस दिन ३२ हजारभन्दा बढी नयाँ संक्रमित थपिएका थिए । बिहीबार अमेरिकामा ९६८ जनाकाे मृत्यु भएकाे थियाे । त्यस दिन २९ हजार ८७४ नयाँ संक्रमित फेला परेका थिए ।
सबैभन्दा बढी न्यूयाेर्कमा
अमेरिकामा कुल मृत्युकाे झण्डै आधा संख्या त्यहाँकाे न्यूयाेर्क राज्य/शहरमा मात्र रहेकाे छ । त्यहाँ हालसम्म ४ हजार १५९ जनाले काेभिड-१९ का कारण ज्यान गुमाएका छन् । जसमा आइतबार मात्र ५९४ जनाकाे ज्यान गएकाे छ ।
न्यूयाेर्कमा हालसम्म कुल १ लाख २३ हजार १८ जनामा काेराेना संक्रमण देखिएकाे छ । तीमध्ये ८ हजार २४३ जना नयाँ संक्रमित आइतबार मात्र फेला परेका हुन् । त्यहाँ ६ हजार २७१ जना भने निकाे भइसकेका छन् ।
अर्काे काेराेनाबाट सबैभन्दा बढी प्रभावित राज्य न्यूजर्सी हाे । त्यहाँ हालसम्म ३७ हजार ५०५ जनामा काेराेना संक्रमण पुस्टि भएकाे छ भने ९१७ जनाकाे ज्यान गएकाे छ । तुलनात्मक रूपमा त्यहाँ मृत्यु हुनेकाे संख्या कम र निकाे हुनेकाे संख्या बढी देखिन्छ ।
हेर्नुहाेस् अमेरिकाका सबैभन्दा बढी प्रभावित १५ राज्यकाे अवस्था-
