नेपालगन्जमा व्हिललक सुरु

सगरमाथा समाचारदाता
नेपालगन्ज ः २७ माघ जिल्ला प्रहरी कार्यलय बाँकेले पनि सवारीसाधनमा व्हिललक लगाउन सुरु गरेको छ । बाँकेका ब्यस्त शहरहरुमा अव्यवस्थित तरिकाले पार्किङ गरी राखिएका सवारीसाधनमा आजदेखि व्हिल लक लगाउन सुरु गरेको छ ।
त्यस्तै बिहीवार अव्यवस्थित तरिकाले अटेरी गर्दै नेपालगन्जको सिंचाइ कार्यालय अगाडि पार्किङ गरी राखिएको बा १४ च ९५७८ को स्कार्पियो गाडी र भेरी अस्पताल अगाडिबाट युपी ४० ए आर ३५७७ नम्बरको भारतीय कारलाई व्हिल लक लगाएको छ ।
अव्यवस्थित तरिकाले जथाभावी पार्किङ गरेका सवारीसाधनलाई व्हिल लगाएर १५ सय रुपैयाँ जरिवाना गराइएको ट्राफिक प्रहरीले जनाएको छ