नेपालगन्ज : बाहुबली जडिबुटी प्रशोधन उधोगमा बिधुत तार सट हुन गई एक्कासी आँगो सल्कदा ठुलो मात्रामा क्षति भएको छ ।
बाँकेको जानकी गाउपालिका वडा नं.६ पिपरहवा स्थित राजेश जैनले संचालन गरेको बाहुबली जडिबुटी प्रशोधन उधोगमा बिधुत तार सट भएर आगलागी भएको हो । प्रहरी चौकी गनापुर, ईप्रका कोहलपुर र यस जिल्ला प्रहरी कार्यालय बाँकेबाट गरी प्रहरी उपरिक्षक तुल बहादुर कार्कीको कमाण्डमा जम्मा १ सय १४ जना प्रहरी टोली परिचालित भएको थियो ।
आगलागी नियन्त्रणमा तत्काल स्थानिय उद्दार समाग्रीहरुको प्रयोग गरी मुख्य कारखाना लगायत अन्यत्र आगलागी हुन नदिन प्रयास गरिएको थियो । बाँके र बर्दिया जिल्लाबाट गरी जम्मा ९ वटा दमकल, नेपाल प्रहरीको वाटर क्यानोन र भारतको बहराईचबाट समेत १ वटा दमकल आगोलागी नियन्त्रणमा प्रयोग गरिएको थियो ।
आगलागी नियन्त्रणमा नेपाली सेना, नेपाल प्रहरी, सशस्त्र प्रहरी गरी जम्मा १ सय ६४ जना सुरक्षाकर्मी परिचालित गरिएको थियो ।
आज दिनको २ बजे आगो पुर्णरुपमा नियन्त्रणमा आएको थियो । मानविय क्षेती नभएको र भौतिक क्षेतीको बिवरण आउन बाँकी रहेको प्रहरीले जनाएको छ ।
