नेपालगन्ज : बाँकेको कोहलपुरदेखि सुर्खेततर्फ जाँदै गरेको जिपमा एक्कासी आगलागी भएको छ । सुर्खेततर्फ जादै गरेको भे १ च ४४७० नं. को जिपमा एक्कासी आगलागी भएको हो । बाँकेको बैजनाथ गाउँपालिका वडा नं. १ को देउरालीडाँडामा गुडिरहेको जिपमा विहान ७ बजे आगलागी भएको प्रहरीले जनाएको छ । आगलागी हुँदा नजिकैको प्रहरी र नेपाली सेनालाई खबर गरिएको गाडीमा मालिक लक्ष्मीराज अधिकारीले बताउनुभयो ।
सुर्खेततर्फ जाँदै थियो एक्कासी धुँवा आयो हेर्दा त दनदनी आगो बल्यो उहाँले भन्नुभयो । निभाउन प्रयास गरियो जंगलमा न पानी न केही सुविधा भएको कारण निभाउन सकिएन उहाँले भन्नुभयो । विहान ७ बजे लागेको आगो साँझा ३ बजेसम्म आगो दन्किरहेको थियो । आगलागी सोनालिका कम्पनीको राइनो आरएक्स जिप रहेको गाडी मालिक अधिकारीले बताउनुभयो । नजिकै रहेको प्रहरीलाई खबर गरेको बोलाउँदा गाडी ८० प्रतिशत जलिसकेको थियो ।
