नेपालगन्ज : गएराती हल्का बर्षा भएसँगै बाँकेका किसानले राहत महसुस गरेका छन् । हल्का वर्षासँगै रोपाई गर्न पाइने भएपछि किसानहरुले राहत महसुस गरेका हुन् ।
असार १५ अर्थात् धान दिवसमा परेको पानीले रोपाई शुरु भएको बाँकेमा अहिलेसम्म ३० प्रतिशत हाराहारीमा मात्र रोपाई भएको छ ।
कृषि ज्ञान केन्द्र, बाँकेका प्रमुख सागर ढकालले ३० प्रतिशत हाराहारीमा रोपाइँ भएको जानकारी दिनुभएको छ । उहाँका अनुसार, यो वर्ष बाँकेमा ढिलोगरी धान रोपाई भएको छ । शुक्रबार विहानदेखि पानी पर्न थालेकाले रोपाई अव बढ्ने उहाँको भनाई रहेको छ ।
बाँकेमा यस वर्ष राम्ररी पानी नपरेकाले रोपाई कार्यमा ढिलाई भएको छ । १५ गतेयता हल्का–हल्का वर्षा भएता पनि खेतमा प्रयाप्त पानी नभएकाले रोपाई कार्यमा ढिलाई भएको एक किसानहरु बताउँछन् । बाँकेमा ३६ हजार ५ सय हेक्टरमा धान खेती हुने गर्दछ । आकाशे पानीकै भर पर्नु र्ने भएकाले धानखेती राम्रो हुन नसकेको किसानहरुको गुनासो रहेको छ ।
