नेपालगन्ज २८ चैत्र
आज शुक्रवार नेपाल सरकारले लकडाउन घोषणा गरेको १९ औ दिन पुरा भएको छ । लकडाउनको पुर्णरुपमा पालना गरिएको देखिन्छ । नेपालगन्ज बजार सुनसान छ । अत्यावश्यक कार्यबाहेक नेपालगन्ज, कोहलपुर, खजुरा, सम्झना, अगैया, राँझा बजारमा निस्कने नागरिक कमै निस्केका छन् । नेपालगन्ज उपमहानगरपालिकामा १९ औं दिन पनि लकडाउनको प्रभाव कायमै देखिन्छ । दिनभरि बजारको दृष्य सुनसान हुन्छ । विश्वभर कोरोना भाइरसको कहर चलेको बेला देशभरी नै लकडाउनको प्रभाव कायमै रहेको छ ।
बाँके जिल्ला पनि लकडाउन घोषणा भएसंगै पुर्णरुपमा लकडाउनको पालना गरिएको छ । बजारभरि नेपाली सेना, नेपाल प्रहरी, शसस्त्र प्रहरी परिचालन गरिएको छ भने लकडाउनको उलङघन गर्ने व्यक्तिलाई प्रहरीले नियन्त्रणमा लिई कारवाही समेत थालेको छ । हरेक दिन लकडाउनको उलङघन गर्ने व्यक्ति र सवारीसाधनलाई कारवाहीको दायरामा लिएको छ ।
