नेपालगन्ज ०३ बैशाख
हाल विश्वव्यापी रुपमा फैलिएको महामारी कोरोनाको कारणले दैनिक ज्यालामजदुरीमा छाक टार्ने परिवारलाई केही सहजता प्रदान गर्न युवराज देवकोटाको अध्यक्षतामा नयाँ वर्षको दिन बेटर बाँके टिमले चप्परगौडी क्षेत्रका ३ अति विपन्न घरमा (प्रति परिवार २५ केजी चामल, २ केजी दाल, १ लिटर तेल, साबुन) वितरण गरेको थियो ।
सोही दिन हवल्दारपुरको राम मा.वि मा क्वारेन्टाइनमा रहेका ६७ भारतीय नागरिक जो नेपालमा मागेर खाने गर्नुहुन्थ्यो उहाँहरुलाई ६० केजी आलु, २५ केजी लौका र २५ केजी काक्रा वितरण गरेको बेटर बाँके अभियानका व्यवस्थापक तथा कोहलपुर कोर्डिनेटर निर्मल भुसालले बताउनुभयो । नयाँ वर्षको दिनमा पनि एक्लो महसुस गर्दै मलिन अनुहारमा बस्नुभएका अशहाय ,अशक्त आमाबुवाका लागि थोरै भएपनि नयाँ वर्षको अनुभुती दिलाउन निलसागर आश्रममा फलफुल र तरकारी वितरण गरेका हौ भनी बेटर बाँकेका संस्थापक राजु चन्दले बताउनुभयो ।
बेटर बाँके टिम वैशाख २ गतेका दिन पनि बिहानैबाट राहत संकलन र वितरणमा लागेका थिए । बेटर बाँकेका सल्लाहकार सामाजिक अभियान्ता रिसि थापाका अनुसार बेटर बाँके टिमले २४ परिवारका अति विपन्न लोपोन्मुख जाती गन्धर्व जातीलाई ६० केजी आलु ,२५ केजी बोडी र फलफुल बितरण गरेको जानकारी प्राप्त भएको छ । २ गते नै बैजनाथ ४ र कोहलपुर २ का अति विपन्न अति नै दुखी ६ परिवारमा यो अभियानले राहत वितरण गरेको हो । बेटर बाँकेको यो अभियानमा आफु पनि सरिक हुन पाएकोमा अत्यन्त आनन्द महसुस भएको सि.बी कन्सलटेन्सीका प्रबन्धक रोहित चन्दले बताउनुभयो । बेटर बाँकेको अभियान सारा बाँके जिल्ला लगायत नेपालीको शशक्त अभियान भएकाले आफुले पनि केही सहयोग गरेको शुभलक्ष्मी स्टोरका हेमन्त भट्टराईले बताउनुभयो । अभियानमा खटिने कमल पन्थी , सृजना बिसी लगायत सम्पूर्ण बेटर बाँके टिम र देश विदेशबाट सहयोग गर्ने मनकारी व्यक्तित्वलाई व्यवस्थापक भुसालले धन्यवाद दिनुभएको छ ।
