बाँकेमा थप १ जना कोभिड सक्रमितको मृत्यु

नेपालगन्ज : बाँकेमा थप एक जना कोरोना भाइरस संक्रमितको मृत्यु भएको छ । शान्तिनगर गाउँपालिका ३ दाङमा बस्ने ८० बर्षिया एक पुरुषको बुधवार भेरी अस्पताल नेपालगन्जमा उपचारको क्रममा मृत्यू भएको हो ।
पिसीआर परिक्षण गर्दा कोरोना संक्रमण देखिएपछि उनलाई माघ १६ गते भेरी अस्पतालमा भर्ना गरिएको थियो ।
उनको उपचारका क्रममा बुधवार राती मृत्यु भएको भेरी अस्पताल नेपालगन्जले जनाएको छ । बाँकेमा कोरोना भाईरस सक्रमणका कारण मृत्यु हुनेको संख्या ३ सय ४७ जना पुगेको छ भने अन्य जिल्लाको कोरोना भाईरस सक्रमणले मृत्यु ४ सय ४२ जना पुगेको जिल्ला कोभिड–१९ व्यवस्थापन केन्द्रका फोकल पर्सन तेज बहादुर वलीले जानकारी गराउनुभएको छ ।