गौरी सामुदायिक बनमा बृक्षारोपण

नेपालगन्ज, असोज : राप्ती सोनारी ४ गौरी सामुदायिक बनमा बृक्षारोपण गरिएको छ । सिक्टा सब डिभिजन बन कार्यालय बैशाको आयोजनामा यस आर्थिक बर्षको पहिलो बृक्षारोपण गरिएको रेन्जर मान बहादुर थापाले बताउनुभयो । आर्थिक बर्ष २०८०÷८१ मा २८ हेक्टर जमिनमा बृक्षारोपण गर्ने लक्ष्य अनुरुप यस बर्षको पहिलो सुरुवातमा गौरी सामुदायिक बनमा ४ हेक्टर जमिनमा बृक्षारोपण गरिएको रेन्जर थापाले उल्लेख गर्नुभयो । उहाँका अनुसार बाँकी वडा नं. ४ कै जलहन सामुदायिक बनमा बृक्षारोपण गरिने छ । आज कार्यक्रममा वडा अध्यक्ष मिनराज खड्का सन्तोष , सामुदायिक बन समिति अध्यक्ष कुल बहादुर पुन, इलाका प्रहरी कार्यालय धामपुरका इन्चार्ज बरिस्ठ सई लक्ष्मी प्रसाद आचार्य लगायत आम उपभोक्ताले बृक्षारोपण गरेका थिए ।